Prof Derek Schuurman kom deel sy insigte oor de onderwerp van geloof, tegnologie en die digitale wereld.

AANDDIENS (18:00) Lees: Spreuke 8:1-21 Teks: Spreuke 8:2-3 Liturg: Ds Danie Snyman Tema: Die Here is op alle lewensterreine Koning Sing: Ps. 47:1, 4; SB 28:1, 2; Psalm 82 : 1, 2; Psalm 103 : 10, 11 Hoofpunte: 1. Wat wysheid is 2. Waar wysheid orals geld Wysheid is die manier waarop die Here wil hê dat Sy kinders die lewe moet sien en moet hanteer. In Spreuke word wysheid voorgestel as ’n goeie vrou, in onderskeiding van die slegte vrou, wat tot sonde verlei en waarteen gewaarsku word. Omdat Jesus Christus die volmaakte beliggaming van Goddelike wysheid is, én die Een wat ons van dwaasheid tot wysheid verlos, is Hy die hoogste Wysheid. Hierdie vrou, wysheid, roep mense vanaf die belangrikste en besigste plekke van die menslike samelewing na haar toe. Sy wil immers op alle lewensterreine gehoor en uitgeleef word. Sy dwing nie, maar roep, en dit nie in die geheim nie, maar openlik. So het die Here Jesus Sy wil vir alle lewensterreine openlik geleer en laat opskryf in Sy Woord. Dis een van die Bybelse aksente van gereformeerd-wees: dat ons die koningskap van die Here oral wil laat geld.

OGGENDDIENS (09:00) Lees: 1 Johannes 4:1 Teks: 1 Johannes 4:1 Liturg: Dr Malan van Rhyn Tema: Toets alles en almal aan die Woord! Sing: Ps. 48:1,4; Ps. 25:7,9; Ps. 89:1,6; Ps. 1:1,2; Ps. 18:1,11,14. Moenie enigeen glo nie Dwaalleraars is ʼn werklikheid Pasop vir aansprake op wonderwerke. Pasop vir hulle wat beweer: Die Here het vir my gesê. By elkeen wat waarlik glo, het daar reeds ‘n wonder gebeur!

Lees: Psalm 31:1-6; Lukas 23:44-49 Teks: Psalm 31:6; Lukas 23:46a Liturg: Ds Louis Aucamp Tema: “Vader, in U hande gee ek my gees oor” Sing: Ps. 147:1,4; Ps. 31:2; Ps. 31:1,3,4,5; Ps. 136:1,2,3,20 Sewe keer praat Jesus aan die kruis. Die sewende kruiswoord is: “Vader, in U hande gee ek my gees oor”. Wanneer Jesus aan die kruis praat, is Hy besig om te preek, Hy het ‘n boodskap, Hy wil steeds van die kruis af verkondig dat Hy die Christus is, dat Hy die Gesalfde van God is om versoeningswerk te kom doen. Wanneer Jesus van die kruis af preek, dan preek Hy nie teksloos nie, Hy preek vanuit die Skrif, vanuit die Ou Testament kom Sy prediking. Sy sewende kruiswoord kom vanuit Psalm 31. Dit beteken ons moet mooi gaan kyk waaroor gaan Psalm 31. Waarom sou Jesus juis vanuit Psalm 31 sy laaste kruiswoord aanhaal? Die antwoord is ontsagwekkend mooi en ryk en vol troos en met baie toekomsperspektief!

Lees: Romeine 8:18-39 Teks: Romeine 8:18 Liturg: Ds Louis Aucamp Tema: Plaas jou lyding op ‘n weegskaal Sing: Ps. 118:12; Ps. 34:6; Ps. 88:1,2; Ps. 146:2,3; Ps. 146:1,8 Baie predikante sal vir u sê dat Romeine 8 ‘n uitsonderlike Skrifgedeelte is om gelowiges in Christus te help met swaarkry en lyding. Die gemeente in Rome het buitengewone swaarkry en lyding beleef. Hulle was onder die voete van die Keiser, ‘n man wat die Christene geminag het, selfs gehaat het. Die Keiser van Rome het homself god verklaar en byna, soos Nebukadneser, van almal verwag om hom te aanbid. Die Christene, egter, het gesê dat hulle Koning is Jesus Christus, hulle aanbid slegs Eén, Jesus, die Seun van God, die Verlosser. Die twee lysies van swaarkry wat in Romeine 8:35 en Romeine 8:38-39 gegee word, is presies die dinge wat die Keiser in sy wrewel teenoor die Christene gedoen het. Die apostel Paulus, onder die inspirasie van die Heilige Gees, gee wonderlike berading aan die Christene oor hulle swaarkry en lyding. Die apostel se berading destyds is steeds berading vir gelowiges wat vandag in swaarkry en lyding is!

00:07:05 Afkondigings en Voorafsang 00:14:18 Votum en seëngroet 00:14:54 Lofsang 00:15:45 Gebed 00:18:33 Sang 00:20:05 Skriflesing 00:21:15 Sang 00:22:56 PREEK en WOORDVERKONDIGING 01:00:31 Gebed 01:05:36 Slotsang 01:06:41 Seën Lees: Psalm 131 Teks: Psalm 131 Liturg: Ds Louis Aucamp Tema: Gee dit wat vir jou te groot is vir die HERE Sing: Ps. 146:1; Ps. 146:8; Ps. 146:2,3; Ps. 147:4 Psalm 131 skitter in sy eenvoud, sprankel in sy diepte. Psalm 131 is wonderlik troosryk vir gelowiges, veral gelowiges in nood. Psalm 131 se eenvoud wys in sy pragtige struktuur, slegs 3 verse. Vers 1 bevat twee stellinge, vers 2 verduidelik die stellinge in beeldspraak en vers 3 is ‘n gevolgtrekking. Die diepte van Psalm 131 kom na vore wanneer ons sien dat Koning Dawid in diepe nood is, daar is iets in sy lewe wat selfs vir hom as koning te groot is om te hanteer. En dan roep hy die hele kerk op om dit wat vir jou te groot is aan die Here te gee!

Loof die HERE, of my siel!

00:11:43 Voorafsang 00:14:25 Votum en seëngroet 00:16:30 Geloofsbelydenis 00:17:50 Afkondiging van die Wet 00:22:29 Gebed 00:25:59 Skriflesing 00:36:41 PREEK en WOORDVERKONDIGING 01:14:04 Gebed 01:20:06 Seën uitspreek Sing: Ps. 92:1,2; Ps. 92:3,4; Ps. 81:12; Ps. 92:6,7; Ps. 149:1,2 Lees: Efesiërs 1:3-14; Efesiërs 4:25-32; Efesiërs 5:18-21 Teks: Efesiërs 1:13; Efesiërs 4:30; Efesiërs 5:18 Liturg: Ds Louis Aucamp Tema: Verseël met die Heilige Gees; Bedroef die Heilige Gees nie; Vervul met die Heilige Gees Sing: Ps. 92:1,2; Ps. 92:3,4; Ps. 81:12; Ps. 92:6,7; Ps. 149:1,2 1. Verseël met die Heilige Gees. Die apostel Paulus, onder die inspirasie van die Heilige Gees, beëindig ‘n uitsonderlike lang sin op ‘n hoogtepunt. Efesiërs 1:3-14 is in die oorspronklike taal een enkele sin. Dié lang sin gaan oor God Drie-enig, met beklemtoning op die Vader in Efesiërs 1:3-6, beklemtoning op die Seun in Efesiërs 1:7-12 en met beklemtoning op die Heilige Gees in Efesiërs 1:13 en 14. Daar loop ‘n refrein in hierdie lang sin wat na vore kom in vers 6, vers 12 en vers 14 naamlik “tot lof van sy heerlikheid”. Dit is duidelik dat Paulus die heiliges en gelowiges (1:1) oproep om die Persoon en werk van die Vader, die Seun en die Heilige Gees te loof en te eer. Ons fokus is in die eerste hoofpunt van die preek op vers 13, die verseëling met die Heilige Gees en die wonderlike troos vir gelowiges om met die Heilige Gees verseël te wees. 2. Bedroef die Heilige Gees nie. Daar loop ‘n baie mooi lyn deur die Efesiërsbrief oor die Persoon en die werk van die Heilige Gees. In Efesiërs 1:13 beskryf die apostel die feit dat ons met die Heilige Gees verseël is, egter, in Efesiërs 4:30 gebruik die apostel die feit van ons verseëling met die Heilige Gees om ons op te roep om die Heilige Gees nie te bedroef nie. Wat sou dit beteken om die Heilige Gees nie te bedroef nie? 3. Vervul met die Heilige Gees. Die apostel gebruik in Efesiërs 5:18 pragtige beeldspraak, tegelyk is daar ook ‘n kontras, waarin hy die verseëldes met die Heilige Gees oproep om al voller van die Heilige Gees te word. Wel, wat sou ons kon doen om al voller van die Heilige Gees te word?